Մեր մասին
Գիտության շաբաթվա մասին
Հոկտեմբերի 1-ից 6-ը Երևանում և բոլոր մարզերում առաջին անգամ կանցկացվի Համազգային գիտության շաբաթ։ Վեց օր շարունակ Ազատության հրապարակում լինելու է Գիտության փառատոն, զուգահեռ` մանկապարտեզներում, դպրոցներում ու բուհերում կկազմակերպվեն ապակենտրոնացված միջոցառումներ։
Հայաստանում վեց օրվա ընթացքում կանցկացվեն դասախոսություններ, սեմինարներ, վարպետաց դասեր, մրցույթներ, գիտափորձեր։
Մասնակիցները կծանոթանան վերջին գիտական հայտնագործություններին, կշփվեն գիտնականների հետ, իրենց ուժերը կփորձեն տարբեր նախագծերում։
Մոտեցնելով գիտությունը հասարակությանը.
սա է առաջին համազգային գիտության շաբաթվա թեման։ Երևանից մինչև ամենափոքր գյուղ՝ Հայաստանում մեկ շաբաթ գիտության և տեխնոլոգիաների տոն է լինելու:
Մեր նպատակն է` Գիտության շաբաթը դարձնել գիտության հանրահռչակման համազգային հարթակ Հայաստանում։ Հարթակ, որը կօգնի հասարակության բոլոր շերտերին և տարիքային խմբերին հասանելի, ընկալելի և գրավիչ ձևով բացատրել գիտության դերն ու նշանակությունը, ոգեշնչել երիտասարդ սերունդներին գիտությամբ զբաղվել, խրախուսել Հայաստանի համար առաջնային համարվող գիտակարգերի ընտրությունը, խթանել քննադատական մտքի և գիտելիքահենք դիսկուրսի զարգացումը։
Գիտության շաբաթը միջազգային ձևաչափ է։ Այն նախաձեռնել և իրականացնելու է «Գիտուժ» նախաձեռնությունը՝ ՀՀ կրթության, գիտության, մշակույթի և սպորտի նախարարության, ՀՀ Գիտությունների ազգային ակադեմիայի և Երևանի քաղաքապետարանի հետ համագործակցությամբ։
Գրանցվիր այստեղ
Լրացնելով համաձայնում եմ, որ կարդացել և ընդունում եմ Գաղտնիության քաղաքականությունը
Հեռ. համար:
Էլ. հասցե: